تنظیم ڈیجیٹل لائبریری

www.TanzeemDigitalLibrary.com

یہ ویب سائٹ و موبائیل فون ایپ محترم جناب ڈاکٹراسرار احمدؒ اور تنظیمِ اسلامی کے دیگر مصنفین کی کتابوں پر مشتمل ہے یہ ویب سائٹ اور موبائل فون اپلی کیشنز شعبہ تحقیقِ اسلامی، مرکزی انجمن خدام القرآن کے زیر انتظام تیار کی گئی ہیں ۔ محترم ڈاکٹر اسرار احمد رحمۃ اللہ علیہ تنظیم اسلامی کے موسس اور بانی ہیں۔ انسانیت نے اپنے رب سے جو عہد الست باندھا تھا اس پیمان وفا کو زندگیوں میں پیوستہ کرنے کے حوالے سے محترم ڈاکٹر اسرار احمد نے زندگی بھر جدوجہد کی ۔ نور قرآن و سنت کے نورس موتی آپؒ کی تقریروں اور تحریروں میں نگینوں کی طرح جڑے ہوۓہیں۔ دیدہ تر کے ستاروں کا جبینوں پر جھلملانے کا بیان ہو یا چاندنی کی لطیف سی ردا، اشکوں سے لپٹ جانے کا۔ انسانوں کی جذب باہم میں پرو کر محفل انجم بنانے کا عمل ہو یا وسیع تناظر میں آئین گلستاں و دستور بہاراں کا ذکر ہو۔ آپؒ کے لوح و قلم نے ان تمام افکار کا بدرجہ اتم احاطہ کیا ہے۔

ان افکار کو چہار دانگ عالم میں عام کرنے کے لیے اس ویب سائٹ کا قیام عمل میں لایا گیا ہے۔ کیونکہ انفارمیشن ٹیکنالجی کی حد آفاق کی حد ہے۔ ہمارا مطمع نظر ہے قرآن و سنت کا پیغام اس ذرییعے سے موج شمیم کی طرح نبض ہستی میں رواں ہوجاۓ- اس ویب سائٹ پرمحترم ڈاکٹر اسرار احمدؒ اور مرکزی انجمن خدام القرآن کی کتب کے مطالعے کے ساتھ ساتھ مطلوبہ الفاظ اور موضوعات کو تلاش کرنے کی سہولت موجود ہے۔ قرآنی آیات، احادیث مبارکہ اور دیگر عبارات کو آسانے کے لیے کلر کوڈنگ کرکے متنوع کردیا گیا ہے۔یہ کاوش اس حوالے سے انفرادی اہمیت کی حامل ہے کہ آپ مطلوبہ مواد کو کاپی اور پیسٹ کرکے سوشل میڈیا پر عام کر سکتے ہیں نتیجتا” چراغ سے چراغ جلانے کا عمل تیز تر ہوگا۔ جیسے جیسے دیے سے دیا روشن ہوتا جاتا ہے شب ظلمت کی تیرگی کم ہوتی چلی جاتی ہے۔ اور ہاں تحقیقی کام کرنے والوں کے لیے بھی اس آسان رسائی میں آسائش منزل کا پہلو ہے۔

لگ گئ آگ بلا سے جو نشیمن کو میرے
اہل گلشن تو ہوے برق و شرر سے
گر چھوڑ جاتے جو نہ ہم کف پا اپنے
ہوتا نہ کوئ تیری رہ گزر سے آگاہ

ہم آپ سے التماس کرتے ہیں کہ اس کوشش میں جو بھی کمی یا کوتاہی کا پہلو نظر آئے تو ہمیں اس سے ضرور مطلع کیجیۓ ۔ آپ یہ وضع کرم ہمارے لیے باعث مسرت ہوگا ۔ اللہ تعالیٰ ہم سب کا حامی وناصر ہو

www.TanzeemDigitalLibrary.com

 
 

درج ذیل کتابیں اس ویب سائٹ اور ایپ پر موجود ہیں۔

بیان القرآن آفیشل ایپ ۔ ڈاکٹراسرار احمدؒ

Bayan ul Quran Offical app – Dr Israr Ahmad ra

یہ اپلیکیشن محترم ڈاکٹر اسرار احمدؒ کی شہرہ آفاق تفسیر ’’بیان القرآن‘‘ پر مشتمل ہے اور آئی ٹی سیکشن شعبۂ تحقیق اسلامی مرکزی انجمن خدام القران کے زیر انتظام تیار کی گئی ہے۔ ڈاکٹر صاحب ؒ زمانہ طالب علمی میں اسلامی جمعیت طلبہ کے ناظم اعلی رہے۔ایم بی بی ایس کے بعد آپ نے سید ابو الاعلی مودودیؒ کی قائم کردہ جماعت اسلامی میں شمولیت اختیار کرلی۔آپؒ نے1972 میں مرکزی انجمن خدام القرآن کی بنیاد رکھی۔ آپؒ تنظیمِ اسلامی کے بھی بانی اور مؤسس ہیں۔ آپؒ نے لگ بھگ نصف صدی قرآن حکیم کی خدمت سرانجام دی۔ اس سلسلے میں آپؒ نے قرآن کالج اور پاکستان کے بڑے شہروں میں قرآن اکیڈمیز کا جال بچھایا۔ فہیم عناصر کے قلوب میں قرآن کی تعلیم کا بیج بونے کے لیے رجوع الی القرآن کورسز کا اجرا کیا، جگہ جگہ دروسِ قرآن کی داغ بیل ڈالی اور ہر سال رمضان المبارک میں بیسیوں مقامات پر دورۂ ترجمہ قرآن کااہتمام کیا۔ ڈاکٹر صاحبؒ نےقرآن کے ملکوتی پیغام کے لیے جو آہنگ و صدا بلند کی وہ تکبیرِ مسلسل کی طرح نہ صرف زندہ و پائندہ ہے بلکہ نیند کے ماتوں کو ہوش میں لانے کے لیےاکسیر کا درجہ رکھتی ہے ۔ آپؒ کے ثمر فشاں دروس ان گنت روحوں کی تسکین کا باعث ہیں۔ آپؒ کے ویڈیو لیکچرز آج بھی جواں ہمت اہل دِل کے ارمانوں کے ضامن ہیں۔ ان ضیا پاشیوں کاسلسلہ نو ر مسلسل وسعت پذیر ہے۔